زانیاری دەربارەی دێدەوانی لە فینلەندە بە زمانی کوردیی سۆرانی
لێرەدا دەتوانیت پرسیارە دووبارە بووەکان و وەڵامەکان دەربارەی دێدەوانی کردن لە فینلەندە دەست بخەیت
چۆنیەتی پەیوەندیكردن بە ڕێنوێنی کردن و دێدەوانی کردن لە فینلەندە؟
دەتوانیت پەیوەندی بکەیت لە ڕێگەی پەیوەندیکردن بە ڕێنوێنی ناوخۆییت و دیستریکتی دێدەوانی. دەتوانیت نەخشەی دیستریکت لێرە بدۆزیتەوە.
ئایا دەتوانم پەیوەندی بکەم ئەگەر فینلاندی نەزانم؟
زۆرینەی چالاکیەکانی ڕێنوێنی و دێدەوانی لە کاتی ئێستادا بە زمانی فینلاندی و سویدی ڕێک دەخرێن
بەڵام هەروەها هەموو گروپێکی ناوخۆیی ڕەچاوی ئەو کەسە گەورە یان گەنجانە دەکەن کەوا بە ئینگلیزی یان زمانەکانی تر قسە دەکەن. سەربازە ناوخۆییەکان جیاوازن لە یەکتر، بەڵام لە ڕێگەی پرسیارکردن لە دەوروبەری خۆت دەکرێت شوێنێکی گونجاو بۆ خۆت بدۆزیتەوە! بژاردەیەکی باو بۆ کەسە گەورەکان ئەوەیە وەک سەرکردەیەکی گروپ بەیەکەوە ڕەفتار بکەن لەگەڵ سەرکردەیەکی تر کەوا فینلاندی قسە دەکات. بۆچوونی ئەرێنی و ویست بۆ بەکارهێنانی ئامرازەكانی وەرگێڕان یارمەتیدەرە!
ئایا منداڵەکەم دەتوانێت پەیوەندی بکات ئەگەر فینلاندی نەزانن؟
بەڵێ، دەشێت! ڕێنوێنی و دێدەوانی کردن شێوازێکی گەورەیە بۆ منداڵەکان تا فێری زمان بن و ئاوێتەی کەلتورە ناوخۆییە نوێیەکە بن کە لە هەمان کاتدا خۆشیش وەردەگرن! هەبوونی هاندان بۆ فێربوون بێگومان یارمەتیدەرە! گەرچی جیاوازە و دەوەستێتە سەر دەستە ناوخۆییەکان و کارامەییەکانی زمانی سەرکردە خۆبەخشەکانی گروپ. ناتوانین پەیمان بدەین کەوا چالاکیەکان بە زمانێکی بیانی پێشکەش دەکرێن، بەڵام گشت كاتێك پرسیارکردن شتێکی باشە!
ئایا دەتوانم بێ گوێدانە ئایینەکەم پەیوەندی بکەم؟
بەڵێ، دەتوانیت! هەموو کەسێک دەتوانێت پەیوەندی بکات بێ گوێدانە باکگراوندی ئێتنیکی یان کەلتوری، زمان، ئایین یان بیروباوەڕ، توانای جەستەیی، ناسنامەی ڕەگەز، نوێنەرایەتی کردنی جێندەر یان تێڕوانینی سێکسی.
جووڵەی ڕێنوێنی و دێدەوانی جووڵەیەکە کەوا سەربەخۆیە، لە ڕووی ئاین، و بێلایەنە و قازانج نەویستە. هەموو ئەندامێک سەربەخۆیە لە پەیڕەوکردنی ئایینی خۆی.
تکایە سەرنجی ئەوە بدە کە هێزە ناوخۆییە جیاوازەکان ڕێکخراوی پشتیوانی جیاواز و تەقالیدی جیاوازیان هەیە. زۆرێک لە هێزە ناوخۆییەکان کەنیسەی ئیڤانجیلی لۆسەریان هەیە وەک کۆمەڵگەی پشتیوانی. ئەمە بە شێوەیەکی گشتى وەک چالاکی سەیر ناکرێت، بەڵام ڕەنگە ناوچەکان لە لایەن کۆمەڵەکە دابین بکرێت. ئەگەر دڵنیا نەبیت ئەوە گشت كاتێک دەتوانیت گفتوگۆی ئەم بابەتە لەگەڵ سەرکردەی گروپی ناوخۆییت بکەیت.
تێچووی چەندی تێدەچێت؟ ئایا خولیایەکی گونجاوە؟
ڕێنوێنی کردن و دێدەوانی کردن لە فینلەندە دەکرێت بە خولیایەکی گونجاو لە ڕووی داراییەوە سەیر بکرێت. تێچووی ساڵانەی ئەندام بوون100 یوڕۆیە. پارەدانەکە تێچووی ئەندامیەتیی ڕێنوێنی کردن و دێدەوانی کردن لە فینلەندە و دیستریکتی سکاوت لەخۆ دەگرێت. هەندێک لە گروپە ناوخۆییەکان ڕەنگە تێچووی جیاوازی ئەندامیەتی کۆ بکەنەوە.
تێچووی تری گونجاو بۆ کامپ/گەشت/سەر شاخ کەوتن. بە مەبەستی ڕووماڵکردنی تێچووی ژەمە خۆراکەکان. دەوەستێتە سەر گروپە ناوخۆییەکان.
ئایا دەتوانم خۆبەخش بم؟
بەڵێ، دەتوانیت! ڕێنوێنی کردن و دێدەوانی کردن پێشوازی لە خۆبەخشە نوێیەکان دەکات بۆ یارمەتیدان لە چالاکیەکانمان. دەتوانیت پەیوەندی بە دیستریکتی ناوخۆییت بکەیت بۆ زانینی ئەوەی کامە جۆری دەرفەتی خۆبەخشی لە ناوچەکەی تۆ بەردەستە. خۆبەخشەکان لە ڕێنوێنی کردن و دێدەوانی کردن دەتوانن ببن بە سەرکردەی گروپەکان، ڕێكخەری بۆنەکان یان چێشتلێنەر لە کاتی کامپەکان. پێویست ناکات کارامەیی تایبەتت هەبێت، بوونی هاندان بۆ کارکردن بەیەکەوە لەگەڵ کەسانی تر و فێربوون لە ڕێگەی ئەنجامدانەوە گرنگترە. دەتوانیت نەخشەی دیستریکت لێرە بدۆزیتەوە.
ئەو کەسە گەورانەی وەک خۆبەخش ڕەفتار دەکەن ڕێخۆشکەری خولیای منداڵان دەبن و گەنجان بە ئەندامانی ڕێنوێنی کردن و دێدەوانی کردن لە فینلەندە هەژمار دەکرێن. هەموو ئەندامان پارەی ئەندامیەتی دەدەن. لە بەرامبەردا تۆ ئەمانەت دەست دەکەوێت:
سەرکەشی، دەرفەتی فێربوون، کۆرس، و پشتیوانی لە هاوتاکان، کۆمەڵگەیەک کە تاکەکانی بیرکردنەوەی هاوشێوەیان هەیە.
چ جۆرە کەرەستەیەک پێویستە؟
یەکپۆشی سکاوت بۆینباخ و کراسی سکاوت دەگرێتەوە. پێویست ناکات پێشوەختە دەستیان بخەیت. زانیاری لە هێزی ناوخۆیی وەردەگریت دەربارەی ئەوەی چۆن ئەوانە دەست بخەیت کاتێک پەیوەندی دەکەیت.
کامپکردن هەندێک کەرەستەی بنەڕەتی پێشکەش دەکات کە بۆ گەشتەکانی دەرەوە پێویستن. تکایە تێبینی ئەوە بکە هەروەها دەکرێت وەربگیرێن، بەکرێ بهێنرێن، یان لە دەستی دوو بکڕدرێن!
کەرەستیە ئاسایی پێویست بۆ گەشتەکانی دەرەوە:
• کۆڵەپشت
• کیسە خەو
• دۆشەکی کامپکردن
• لایتی سەر
• قیبلەنما
• پێڵاوی بەھێز و بەرگەگری ئاو
• جل وبەرگی بەرگەگری ئاو
ئایا خۆم/منداڵەکەم پێویست دەکات پێشوەختە هەندێک کارامەیی هەبێت؟
خۆت/منداڵەکەت پێویست ناکات هیچ کارامەیی یان زانیاری سەرەتاییتان هەبێت پێش پەیوەندیکردن بە ڕێنوێنی کردن و دێدەوانی کردن لە فینلەندە. گشت ئەوەی پێویستتە حەزی فێربوون و خۆگونجانە. پەیوەندیکردن بە ڕێنوێنی کردن و دێدەوانی کردن لە فینلەندە ڕێگایەکی مەزنە بۆ پەرەپێدانی کارامەییەکانی خۆت، فێرکردنی کەسانی تر و بوون بە بەشێک لە کۆمەڵگە. گشت ئەوەی پێویستتە بیزانیت ئەوە فێر دەکرێیت، هەنگاو بە هەنگاو.
Photo Joona Halinen
